FELICITACIÓN DE NADAL

Nestas datas queremos felicitar a todos os nenos e nenas que participaron no proxecto dos bosques e tamén ás súas profes sen as cales este proxecto non podería ser levado a cabo. No blog da nosa amiga María José Fano, "DESVÁN DE PALABRAS", atopamos unha felicitación chulísima . Gustounos tanto que decidimos facer unha similar. Para iso fixemos unha presentación en POWER POIN T, despois a pasamos a video utilizando o programa LEAWO POWER POINT TO VIDEO  e por último o subimos ao noso canal de YOUTUBE. Aquí tedes o resultado:

COÑECENDO AS NOSAS FRAGAS

Agora que xa rematamos de estudar os seres vivos que hai nos bosques, hoxe fixemos esta actividade JClic onde repasamos algúns animais e algunhas árbores que podemos atopar nos bosques e fragas galegos.

Moitas grazas ao C.E.I.P Galán de A Coruña por compartirlas.

CAZA DO TESOURO:COÑECENDO AS VACALOURAS

Como o prometido é débeda, hoxe fomos a aula de informática a aprender moitas cousas sobre as vacalouras. As profes tíñannos preparada unha CAZA DO TESOURO para que averigüaramos moitas cousas sobre elas así que coa axuda dos que sabían ler puxémonos mans a obra e aprendimos un montón de cousas sobre estes enormes insectos. Clica na imaxe:

ANIMAIS EN PERIGO DE EXTINCIÓN

Continuando cos animais que habitan  nos bosques galegos aprendimos que hai dous animais en Galicia que están en perigo de extinción.  EXTINCIÓN? Ao principio non sabiamos o que quería dicir esa extraña palabra pero despois de falalo descubrimos que eran animais que estaban a puntiño de desaparecer. Son:
A PITA DO MONTE

e a VACALOURA ou ESCORNABOIS:

O escornabois gustounos moito e quixemos aprender moito máis sobre él así que as profes prometéronnos que o venres  iríamos a informática a aprender moitas cousas sobre eles.

Mentras tanto, fixemos estes PUZZLES sobre eles que elaboramos en JIGSAW PLANET:


12 PITA DO MONTE12 VACALOURA

REPASANDO CONCEPTOS MATEMÁTICOS

Hoxe fomos a PDI. Unha vez alí estivemos coloreando unha paisaxe dun bosque. Era moi divertido porque ademais de colorear podíamos colocar animais e plantas.

Aproveitamos o xogo para repasar conceptos matemáticos: máis/menos, conteo,... Cantos animais saían no noso debuxo? E que pasaba se se ían algúns? Había máis nun debuxo ou noutro?

Despois fixemos estas sinxeliñas fichas :

AVES E MAMÍFEROS

Hoxe falamos na clase dos mamíferos e das aves. Aprendimos que os mamíferos nacen da barriga da súa mamá, que se alimentan do leite das súas mamas cando son pequenos, que teñen o corpo cuberto de pelo e  que respiran por pulmóns. Por outra banda, as aves teñen o corpo cuberto de plumas, teñen peteiro e ás para voar e as súas crías nacen de ovos.
Para ver si nos quedou clariño, xogamos a clasificar animais:

traballamos con esta ficha:

Xogamos a este sinxelo xogo onde había que colocar aos animais no bosque:

E despois fixemos estes puzzles de animais do bosque:

HABITANTES DO BOSQUE

A estas alturas do proxecto xa sabemos que os bosques son amplas superficies de terra cubertas de moitas árbores, arbustos, herbas,... Pero os bosques son tamén o fogar de moitas especies animais que se alimentan e buscan acubillo nas súas árbores.
Nos bosques galegos podemos atopar unha gran variedade de animais:
- Mamíferos como o lobo, o corzo, o xabarín, o raposo, o teixugo, ...
- Aves como a aguia, a perdiz, a gaivota, o corvo, a rula, a laverca, a pita do monte,...
- Réptiles como o lagarto, a píntega, a víbora, a cobra,...
Algúns xa os coñecíamos pero outros non por iso vimos a seguinte presentación:

ANIMAIS

Fixemos esta sinxela ficha:

E despois este puzzle:

Jigsaw Puzzle by Crazyprofile.com

REPASAMOS O APRENDIDO SOBRE AS PLANTAS

Agora que xa aprendimos un montón de cousas sobre as plantas e as árbores do noso contorno, antes de empezar a coñecer os animais, fixemos un pequeno repaso utilizando estas dúas aplicacións:

Con elas repasamos as partes dunha planta, a súa clasificación, como nacen e medran , os coidados que necesitan , ...

A IDADE DAS ÁRBORES

Sabedes como se averigüa a idade dunha árbore? Non? Para saber súa idade temos que buscar unha árbore previamente cortada e contar os círculos (aneis) que hai no tronco. Cada anel conta como un ano. Ademais se observamos atentamente veremos que os aneis non son  todos iguais. Os aneis delgados indican que ese ano a árbore medrou pouquiño mentras que os anchos dinnos que medrou moito. Cando fixemos a visita aos xardíns a semana pasada, quitei estas dúas fotos:

SEREDES CAPACES DE  AVERIGÜAR A SÚA IDADE?

CONTINUANDO COAS ÁRBORES...

Hoxe estivemos a facer algunhas fichiñas máis.
Para lembrarnos do nome dalgunha delas ...

Para pensar un pouquiño ...

Para contar ...

Esta última non nos dou tempo a escaneala pero xa vos amosaremos máis adiante o ben que o fixeron. E como non todo ha de ser traballar, tamén xogamos a facer estes puzzles das árbores máis comúns:

AS FOLLAS DAS ÁRBORES

Aproveitando a saída do venres,hoxe falamos das follas das árbores e do importantes que son porque nelas se fabrica o alimento. Lembramos que as árbores teñen distinto tipo de follas: hainas delgadas como as do magnolio, anchas como as do castiñeiro de Indias, en forma de agulla como as do piñeiro e o abeto, co borde ondulado como o carballo , dentado como como o acivro,...

Tamén aprendimos que algunhas árbores perden as súas follas no outono e inverno coa chegada do tempo frío como o castiñeiro, o bidueiro, a faia.... Estas árbores chámanse de FOLLA CADUCA. Nembargantes, outras árbores renovan as súas follas pouquiño a pouquiño e nunca teñen as súas ramas nús como o eucalipto ou o piñeiro. Chámanse árbores de FOLLA PERENNE.
Así que para ver si estivemos moi atentos na nosa saída, fixemos esta ficha. Era un pouquiño difícil de facer pero coa axuda das profes e das fotos que sacamos o venres ao final saiunos:

Ademais estivemos a facer estas bonitas follas animadas para o noso corredor:

CATALOGANDO E FOTOGRAFIANDO AS ÁRBORES DO PATIO

Por fin, hoxe fixo bo día e poidemos ir ao patio  a catalogar as árbores. De dúas en dúas clases, fomos cos encargados do taller de xardineiría, Tomé e Luís. Unha vez alí, tiñamos que identificar as árbores coa axuda das láminas. Había que fixarse moito nas ramas, follas, froitos,a forma do tronco,... pero algunhas árbores NON TIÑAN FOLLAS e iso facía moi difícil a identificación. Unha vez que xa sabiamos de que árbore se trataba, con axuda colocábamos a lámina ben atadiña, e lle sacábamos unha foto. Sí, sí, como escoitades, TAMÉN FIXEMOS DE FOTÓGRAFOS. Como sacamos moitísimas fotos, fixemos unha montaxe: primeiro seleccionamos as fotos e as colocamos como máis nos gustaron facendo collages e despois co MOVIE MAKER fixemos un pequeno video que subimos como sempre ao noso canal de YOUTUBE:

COMO VAN AS NOSAS PLANTAS?

Queredes saber que pasou coas nosas plantiñas? Pois ben, estivemos levando un control delas, observándoas todos os días e descubrimos dúas cousas:

1º.- Que xerminan moito antes as LENTELLAS  que as FABAS, e
2º.- Que a calor inflúe moito na xerminación pois nas clases onde a calefacción está moi alta, as plantas medraron un montón e noutras clases que vai máis frío, tardaron case seis días en empezar a xerminar e algunha todavía non comezou.

E apuntamos nunha folla de control os resultados:

FACEMOS MATEMÁTICAS

Estes días,  estivemos repasando conceptos matemáticos coma non, coas árbores. Lembramos os conceptos maior e menor; grande, pequeno e mediano; fixemos problemas matemáticos,...
Estas son as fichas que fixemos:

Tamén estivemos repasando conceptos e  aprendendo vocabulario sobre as plantas:

PLANTAMOS!!!

Hoxe as profes chegaron a clase cargadas con lentellas e fabas, vasos de plástico transparente, algodón e unha botella de auga. Quedámonos todos un pouquiño sorprendidos, para que serían aquelas cousas? Ata que por fin nolo explicaron: ÍBAMOS A PLANTAR!!!!!! E que a verdade é que despois de ver onte como nacía unha árbore, tiñamos o gusaniño de plantar unha e como polo de agora unha árbore non podía ser pois ..... nos conformamos coa nosa plantiña. Como iso de plantar eche moi divertido, animamos a dúas clases máis do cole a que tamén plantasen. Estes son os pasos que seguimos:

Xa vos amosaremos como van medrando as nosas plantiñas.