CONTOS DESDE O BOSQUE

Na asamblea estivemos a falar da excursión de onte: que árbores había, os animais que vimos, que foi o que máis nos gustou e o que menos, se o pasamos ben ou non ... A continuación, na hora de ler,  en cada clase contamos un conto sacado da colección de tres libros de contos "CONTOS DESDE O BOSQUE" con actividades educativas complementarias dirixidas a nenos e nenas de idades comprendidas entre os 6 e os 12 anos que publicou a organización BOSQUES SIN FRONTERAS.

Na pestana de CONTOS podedes acceder aos tres.

E por fin está rematados os nosos recunchos do proxecto cunha exposición de libros e contos relacionados co bosque, as súas plantas e os animais que habitan nel. Ollade que bonitiños nos quedaron.

COÑECEMOS A PEPIÑO O RAPOSO

Hoxe as profes presentáronnos a Pepiño o Raposo. Faláronnos de que vivía nun bosque de Galicia onde había moitos carballos. A ese tipo de bosques chámase carballeira. Dixéronnos que Pepiño ía ensinarnos moitísimas cousas sobres os nosos bosques: as súas plantas, os seus animais, que temos que facer para coidadalos, que obtemos deles,...

Despois puxemos o noso nome na portada do proxecto e fichemos unha ficha onde axudábamos a Pepiño que estaba perdido a voltar á súa carballeira:

Cando rematamos empezamos a montar o noso rincón do proxecto. Forramos unhas mesas, coloreamos letras e debuxos dos bosques, e empezamos a pintar un Pepiño.

PREPARAMOS OS RINCÓNS on PhotoPeach